Data Science

Facial Recognition System 人臉識別系統增加銷售

Less than a minute to read

燈櫈戥鄧!人臉識別系統 (Facial Recognition System)

超級市場最多係咩? 貨品? 除此之外呢? 就係數據 。識得用,其實好好用,可以帶嚟數十億嘅收入 。數據分析呢個 trends 已經係唔同行業嘅發展大方向,特別係快速消費品 (FMCG) 嘅行業接觸大量顧客數據,商家點樣利用 Data 產生數以億計嘅生意額呢?

相信你都有諗過,當你排隊準備比錢果時。旁邊總係放住細小嘅朱古力 、糖 、避孕套。之所以放喺收銀處位置,就係因為可以吸引到小朋友個眼球 ,繼而觸發產生攻擊 (包括楚楚可憐 、喊 ) 甚至乎襯唔為意,自己就攞咗比收銀姨姨。同樣地,買避孕套就等同買姨媽巾一樣咁尷尬 ,所以超級市場好貼心咁將佢放咗喺一個相當有利嘅位置 (只不過係太多選擇,唔知攞邊隻 ) 以本土絕技「擒拿手」將避孕套手到拿來 ,9秒9比錢走人。呢啲例子都係因為以往得出嚟嘅經驗話我哋知,演變成而家有科學根據地咁話我哋知。

大數據更加可以話我哋知咩貨品要放喺咩位置去增加購買意慾。擺貨嘅高度? 客人要唔要烏低身攞貨? 放幾多件產品喺同一個層架? 幾多星期轉一次? 呢啲決定背後都係一堆數據,而唔係隨喜,佛系擺貨法。

而家有一項技術,獲得最廣泛嘅關注及普及,就係人面識別系統。疫情過後,你仲想戴住口罩,避免被識別嗎? 

增加購買意欲

你個面孔唔單止提供有價值嘅數據。零售商更會收集由你個人產生嘅信息,儲存到資料庫。收集信息嘅渠道包括 online 或 offline,採用個性化、度身訂做、全方位根據你嘅口味自動推薦認為你需要嘅產品比你,繼而增加銷售。

安德魯·波爾(Andrew Pole)係一位數據科學家,佢能夠以一個女人嘅購買方式,揭示出佢係咪懷孕。

聽起嚟好勁,點做到?

呢位科學家當時因而被 New York Times 廣泛報導。

安德魯·波爾(Andrew Pole)做咗一連串測試,分析唔同嘅數據,發掘咗一啲有趣嘅資訊,例如乳液。波爾有一位同事注意到,女性喺懷孕嘅中期會開始購買大量無味乳液。另一位分析師則指出,喺懷孕前期嘅頭 20 個星期,孕婦會大量攝取鈣,鎂及鋅等補品。但係當女性突然開始購買大量無氣味番皂嘅時候,就表示已經接近交貨日期。

當波爾攞 Data 嘅時候,佢能夠識別大約 25 種產品。分析數據嘅時候,可以為每位女士分配一個 “懷孕預測” 嘅分數。更重要嘅係,佢仲可以預測到孕婦嘅生產日期,再推送非常精準嘅購物優惠卷比佢哋。

假設 Jenny Ward、23歲、居住亞特蘭大。今年3月開始購買大量乳液。根據波爾嘅推算,Jenny 嘅生產日期會係 8 月第 3 – 4 個星期。

另一個例子係涉及一名少女。呢個少女有日開始接收嬰兒推廣嘅電子郵件。當少女嘅父親得知嘅時候,佢怒氣沖沖咁去搵 email 嘅零售商講咗幾句說話。

少女父親:「我女兒收到你封電郵,佢仲讀緊高中,你係咪要鼓勵佢咁細個懷孕!?」

對方經理不知所以,望住電郵,確實係一封封嬰兒產品宣傳內容。為免進一步得罪少女嘅父親,經理選擇道歉。

第二日,經理收到少女父親嘅電話,講到:「我欠你一句對唔住,係我冇意識到我女兒嘅狀況。」

運用數據得宜有好處,相反、用錯咗會令你懞受損失。就好似呢個情況,如果我哋喺對方唔知情下祝賀對方,恭喜佢有咗,呢個可能會引起有啲人唔舒服。對於私隱,我哋要遵從數據嘅正確用法,避免做出一啲令人不安嘅事情。


Sign up for our Newsletter

Join our newsletter and get resources, curated content, and design inspiration delivered straight to your inbox.

Related Posts

Data Science

「有圖有真相」烏克蘭被投降?

有圖有片有真相這個說法在現今世代已經不再成立。隨著AI 急速發展、deepfake 技術盛行,連烏克蘭總統都遭殃,於俄烏戰爭初期受虛假散佈的 deepfake 影片誤傳投降消息。到底 deepfake 是何方神聖?它是怎樣操作的?Deepfake 與 machine learning有何關聯? Deepfake 是甚麼?...

Venturenix LAB

1 min read

Data Science

十年內將會被 AI (人工智能) 取代的職業

以前我們說「電腦會否取代人類」,但現在我們說「AI (人工智能)會否取代人類」。前者多年前經已被廣泛地討論,多年來「電腦」一直協助人類工作做得更好。直至 AI (人工智能) 的出現,我們再次響起「會否被取代」這個警號。  以往我們會書寫信件與朋友來往,快則兩天,慢則十天八天。現在我們只要利用科技,便能與朋友即時通訊。人類對科技經已變得非常依賴,沒有再好得過「既方便又快捷」。  科技有很多好處,不僅減少過程中的複雜性、避免錯誤,還能減少資源浪費。更重要的是現今我們均追求「速度」,我們比起以前更沒耐性,什麼都要「即時」。  科技融入生活細節,加速了我們的生活節奏。而科技技術更不斷進化,功能更上一層樓,講求「自動化」,比起「方便」更加「方便」。自動化的科技使人類生活逐步走向 AI (人工智能) 的時代,AI 的設計能夠輔助一些重複性的工作、複雜性不高的職業。我們試試留意身邊的生活環境,便能察覺到其實...

Don't forget to join our upcoming free trial classes on Eventbrite

X