Coding Bootcamp IT Bootcamp

Coding Bootcamp 值唔值得去讀?

MicrosoftTeams-image (3)

Coding Bootcamp 值唔值得去讀?

成日都聽到人講參加啲咩咩咩 Coding Bootcamp…

“幾個月就可以學得識 Coding,整到一個 APP 出嚟,甚至可以轉行做個 IT 大神,月入60 ~ 70K?”

到底係唔係真係咁堅?咁係唔係應該走去讀下呢? 

但其實喺香港,就有好多種途徑去學習編程或者其他 IT 知識,例如上網自學、 Online Course,又或者係修讀一個 Computer Science Degree 嘅課程,咁點解要選擇去讀 Coding Bootcamp 呢?我會認為有以下幾個原因: 

1. 比自學更好 

雖然宜家有好多線上、線下嘅資源提供比大家去自學 coding,但 coding 並唔係一件簡單嘅事,面對住龐大嘅信息,自學嘅你會好容易不知所措、困惑,甚至係沮喪。當你卡住喺某一個位,又或者完全無辦法理解某個概念嘅時候,並唔會有其他人去幫助你。相反,喺 Bootcamp 呢個沉浸式環境入面,唔單只會有導師全程喺身邊指導你,有任何疑問可以即刻提出,仲會有其他同學一齊,互相勉勵同幫助。正所謂「多個人,多個腦」,遇到任何問題都唔怕啦。 

2. 學習得更快更實際

同普遍需要為期 4 年嘅 Computer Science Degree 課程比較,Coding Bootcamp 只需要當中 1/12 嘅時間,約 3 至 4 個月,就能夠助你達到一個專業嘅水準,可以投身 IT 行業。Bootcamp 之所以能夠喺一個咁短嘅時間內培訓出專業嘅 IT 人才,係因為當中嘅課程大綱經過精心設計,剔除咗一啲不必要或者同職場唔太相關嘅內容,學生只係需要學習一啲較重要同貼合市場需求嘅技術同知識,從而加快咗學習嘅速度。 

3. 可以學習團隊合作

相信大部份想學習 Coding 嘅人,都希望最終可以成為一位 Software Engineer 或者從事類似嘅工作,但無任何 Software 喺由一個人去編寫同研發,全部都需要通過團隊嘅合作,係共同努力嘅成果。所以團隊合作係 IT 從業員需要磨練嘅能力,而 Coding Bootcamp 正正可以培訓你嘅團隊合作能力。喺 Bootcamp 入面,你將會同其他人一齊學習,一齊合力完成 project。通過同來自唔同背景嘅人一齊學習同合作,你能夠將你嘅思維擴展到唔同嘅角度,從而激發你嘅創造力。 

4. 建立職場機遇 

喺 Bootcamp 入面,你會遇到好多來自唔同背景嘅人,呢啲人可能係你未來嘅同事、客戶、又或者係僱主,所建立嘅人際網絡,對你將來事業上嘅影響可能會係你意想不到的。有一啲 Coding Bootcamp 更加提供職業配對計劃,協助學生喺畢業後尋找合適嘅工作機會。 

咁到底 Coding Bootcamp 值唔值得去讀呢?

其實呢個問題並無一個絕對嘅答案,好睇你自己本身嘅心態同狀況。我會建議你從以下幾個方面去考慮,到底自己值唔值得,又或者係應唔應該去報讀一個 Coding Bootcamp: 

1. 自身能力&性格

自學同參加 Bootcamp 最大嘅分別就在於兩者嘅學習模式唔同,選擇之前要考處唔同嘅因素,例如自身能力同性格等。自學需要極強嘅學習能力同毅力, 雖然宜家有好多開放資料同學習材料供大家自學,但如果你本身嘅學習能力較弱,完全無辦法理解當中嘅內容,又或者一遇到難題就好易放棄嘅,咁可能你未必適合自學。當然啦,如果你自問係一個學習能力強,又十分有毅力嘅人,自學不失為一個良策。  

2. 目的

喺選擇從咩途徑學習 coding 之前,先諗清楚你嘅目的係咩。如果係為興趣或想自我提升,無論自學定參加 Bootcamp,甚至修讀 CS Degree 都無所謂。但若果你係希望藉此入行或轉行做 IT 嘅話,我會建議你選擇一個喺專業內平上有保證嘅學習途徑。雖然做 IT 睇重嘅並唔係學位證明或專業資格,而係睇你識幾多種 programming language 同有幾熟悉某種 programming language,不過你好難去確保你自學到嘅知識同技術係正確無誤或者係會適用於職埸上。 

相反, Coding Bootcamp 嘅課程內容係經過精心設計,而導師通常都會係一位 Coder / Programmer,擁有豐富嘅從業經驗,所教授嘅內容都係最新,同行業當前嘅狀態密切相關,所學到嘅都會係當前 IT 行業最適用同最渴求嘅技術,係專業方面會有所保證。  

3. 經濟能力&風險承擔能力

讀 Bootcamp 嘅費用,加上學習過程嘅日常支出,對於生活喺香港呢個高消費地區嚟講,計計埋埋都並唔係一個小數目,所以係報讀之前,你先要考慮自己嘅經濟能力。雖然 Bootcamp 只需要 3 至 4 個月嘅時間,但卻係一個 Full-time 嘅課程,意味住呢段時間嘅你可能係無收入,更要不斷支付日常嘅開支。而畢業之後,搵工所需嘅時間可能比你預期中嘅更耐,亦都有可能無辦法於短時間內成功入行,呢啲都將會係你需要承擔嘅風險。 

如果你係嗰種「手停口停」,一唔返工就生活唔到,急住搵工轉行嘅人,Coding Bootcamp 可能未必太適合你。不過有啲 Coding Bootcamp 會提供職業支援嘅服務,會為畢業生尋找合適嘅工作機會。例如 Venturenix LAB 嘅 Bootcamp 畢業生,佢哋 100% 成功於畢業後一個月內搵到工作,唔需要擔心幾個月都搵唔到工。[相關文章:讀完 IT Coding Bootcamp 一定搵到工?] 此外,Venturenix LAB 更提供獎學金計劃同分期付款計劃,幫助分擔學生嘅經濟壓力。 

既然讀 Coding Bootcamp 可能會面對咁多風險同不穩定因素,點解仲會有咁多人照樣選擇讀 Coding Bootcamp? 

原因非常簡單:

如果你曾經試過自學 Coding,或許你曾經歷過學到一半,就唔知道下一步要點做,又或者卡住喺某啲自己難以理解嘅知識點上,而嗰一刻就會出現自我懷疑,想半途而廢嘅念頭。但咁樣並唔代表你唔適合學 Coding,只係證明你並唔適合自學,並且需要有人帶領住你一齊學。Coding Bootcamp 提供一個沉浸式嘅學習環境,配合精心設計嘅課程內容,加上專業嘅導師一路從旁指導,學習 Coding 嘅成功率遠高於自學。 
Coding Bootcamp 所學到嘅大多數都係較實用,並貼合市場需求嘅技術同知識,喺搵工方面會更勝一籌。加上有啲 Coding Bootcamp 會提供職業支援服務,會幫畢業生尋找合適嘅工作機會。就好似 Venturenix LAB 咁,擁有龐大嘅網絡同大量合作伙伴,可以推薦畢業生到唔同嘅企業擔任 IT 嘅職務,為畢業生配對合適嘅工作崗位,所以暫時 Venturenix LAB 嘅畢業生係 100% 成功轉行做 IT。 
雖然 Bootcamp 嘅費用唔便宜,但學習過程一定比自學更愉快同更高效,而自學雖然平啲,但學習過程痛苦,學習成功無保障。Coding Bootcamp 擁有經歷豐富嘅導師,以及經過精心設計嘅課程內容,比起自己一個盲摸摸,孤身奮鬥更好。成功畢業後更會獲得證書,搵工嗰陣,獲得 interview 嘅機會都大啲啦。 

Coding Bootcamp (密集式編程課程) 係一個短期嘅 Full-time 編程培訓課程,通當為期 3 至 4 個月。課程嘅設計針對一啲無任何經驗嘅學生,幫助佢哋由零開始,喺短時間內有效率地學習同編程相關嘅知識,掌握市場上最熱門嘅技術,為入行做好準備。 

正所謂「條條大路通邏馬」,自學定係報讀 Bootcamp 都可以踏上 Programmer 之路,但要知道嘅係,並唔係所有人都適合自學,所以要好好考慮清晰自己到底適合邊種學習模式 [相關文章:在香港進修全日制 Full-Time IT Coding Bootcamp 前必須知的 6 件事]。如果你唔太清楚自已適唔適合讀 Bootcamp,可以隨時聯絡我哋,我哋好樂意為你提供專業意見。