Uncategorized

Data Scientist 香港頭十間聘請最多嘅公司!

Top10-data-science-companyt-02-e1595301208278

Data Scientist 香港頭十間聘請最多嘅公司!

科技發展一日千里,要講 2020 嘅搶手職位,就一定係 Data Scientist,數據科學家。 隨住 AI、IOT 越來越普及,更多嘅行業都向呢個方向走,甚至滲入各生活層面,例如你上網買嘢,格價、Marketing、落單、運送過程都同 Data Science 式式相關。一啲傳統少少嘅行業,都要擁抱呢個科技大趨勢,因而需求就不斷上升。如果你都希望搵新出路或學新技術,你唔搵 Data Science,科技嘅時代巨輪都一定會掩蓋至你嘅行業。

咁香港有邊幾間公司係擁有最多 Data Scientist 呢? 而發展空間究竟又可以有幾大呢? Venturenix 作為 recruitment firm 嘅好處,係可以得到更多行業數據。所以你有興趣想知道邊啲行業資訊,即管同我哋講,我哋希望提供更多實用嘅資訊數據話比大家知。

根據我哋喺 LinkedIn 所得出嘅數據*,全港現時最多嘅公司係 OOCL (Orient Overseas Container Line) ,坐擁 28 位數據科學專才。

*LinkedIn 提供之 Advanced Search 本地數據 (Job Title: Data Science, Experience: All levels, Date of Source: 6 Feb 2020

一齊再睇下另外有邊幾間啦!

1. Orient Overseas Container Line (OOCL) 28位

2. Hong Kong and Shanghai Banking Corporation (HSBC) 21位

3. Hong Kong Telecom (HKT) 15位

4. A.S. Watson Group 11位

5. The Hong Kong University of Science and Technology (HKUST) 9位

6. The International Business Machines (IBM) 8位

7. Ernst & Young Global Limited (EY) 8位

8. The Hong Kong Jockey Club (HKJC) 8位

9. Lalamove 8位

10. The University of Hong Kong (HKU) 8位

原來除咗物流業、銀行業及電訊業對數據科學有龐大需求之外,排第 4 位零售業嘅 A.S. Watson Group 都開始對數據科學有一定嘅重視程度,可預見未來數據科學嘅應用將會於零售業,或更多你同我都未必估到嘅行業中越來越普及。

第一位 (OOCL)

OOCL Job Ad (Data Scientist)

我哋喺第一位 OOCL 嘅網站 copy 咗一個數據科學家嘅 JD 同大家睇下佢哋對數據科學家嘅要求。我哋見到 OOCL 對 candidates 嘅要求係要識某幾種 programming languages 之餘,更需要對 Python 有所認識。我哋亦見到 “Machine Learning” 出現咗好幾次。因此,candidates 要成功得到 OOCL 嘅職位係要識得 A.I. Python and Machine Learning,呢幾個好 key 嘅範疇。

咁點解 OOCL 咁 aggressive 去請 Data Scientist 並需要 A.I. 經驗呢? 咁就要睇返 OOCL 公司嘅背景。OOCL 係一個傳統嘅運輸行業,每日都產生大量嘅貨物吞吐量。OOCL 目標係透過人工智能 (A.I.) 去改善整個 operation 藉此提升工作效率,2018 年更承諾會培育超過 200 位 A.I. 人才去應付企業發展。過去 OOCL 亦係利用創新科技嘅表表者。OOCL 希望透過 A.I. 技術協助處理每月超過 3,000 萬條船運數據,預測船期資訊。因此,OOCL 對 Data Scientist 嘅人才非常之渴求。

第二位 (HSBC)

呢個排名反映左銀行業重視數據科學嘅運用,包括電子銀行同埋電子支付P2P服務。近年由HSBC推出嘅PAYME平台備受觸目,擁有香港P2P市場 70%佔有率。HSBC顯然想乘勝追擊,繼續擴大服務範圍,以致HSBC越來越重視數據科學人才。另外 machine learning仲可以識別欺詐行為,包括信用卡盜用、保險欺詐同洗黑錢等,避免客戶同公司因欺詐行為有任何損失。我哋見到HSBC對candidates 嘅要求係唔止要有R 同 Python方面嘅專業知識,仲要熟悉machine learning。加上虛擬銀行嘅出現推進了更多原有銀行開始數碼轉型,以吸引更多客戶。

所以除左HSBC,其他銀行以全面數碼化為目標。銀行業需要一定嘅Data Scientist利用數據整合技術,整合客戶資料同數據,提供客戶喜好的產品推薦以提升客戶體驗。此外,行業都好需要透過人工智能去優化應用程式所包含嘅服務,將電子銀行的服務範圍同品質最大化。

第三位 (HKT)

香港電訊業對Data Science需求無可厚非,HKT有龐大嘅真實數據庫,包括客戶嘅偏好同使用情況等。係呢個有咁多數據嘅行業,最緊要係點樣利用佢哋,好多電訊公司都會請data scientists去幫手分析消費者嘅態度同行為,所以HKT先名列前茅。除左處理數據,當然唔小得就係好多企業都強調嘅Machine Learning,可見識Machine Learning無論投身係咩行業對candidates嚟講係個好大嘅優勢!

HKT都好重視創新科技,致力推動人工智能。HKT已經有成熟嘅生物識別技術、機械人流程自動化服務同語音分析技術,需要多位AI 人才去維持服務同發展新嘅技術!.

第四位 (A.S Watson Group)

A.S. Watson Job Ad (Data Scientist)

我哋再睇下第四位嘅 A.S. Watson Group,同樣地 “Machine Learning” 出現咗 4 次之多。可想而知,各大企業都希望向 A.I. 方向發展。屈臣氏集團早於 9 年前推出加強客戶關係管理 (CRM),e-commerce 以及流動購物體驗。2015 年成立電子商貿團隊 eLab,屈臣氏集團更於 2017 年發展 Big Data 大數據、Machine Learning 嘅相關技術。

第八位 (HKJC)

HKJC貴為香港最大僱主之一,排名自然不負眾望,對IT人才嘅需求都唔低嫁! HKJC每個博彩日都有過百萬宗交易,咁大嘅交易額HKJC淨靠人手係無可能嫁! HKJC運用人工智能為客戶提供優質的投注服務,並利用客戶和運營數據轉化為商業價值。開發人工智能去確保投注賠率嘅準確度嚟完善成個系統,以保護業務嘅完整,而招攬多啲A I人才就係HKJC具體嘅目標。

同其他行業一樣,HKJC都要求Candidates要好熟R同Python,仲要有一定Machine Learning 經驗,所以有呢方面嘅知識成功率就大大提升啦!

第九位 (Lalamove)

近年科技物流服務興起,為大眾提供即時同預約訂單的物流貨運服務,急速擴大覆蓋範圍。Lalamove 目標係擴展到世界各地,在此之前Lalamove需要更完善嘅運營系統,data science就充當住好重要嘅角色。Lalamove每日處理數以千計的訂單,需要data scientists運用AI同數據分析技術優化訂單分配、動態定價以及車輛路線嘅系統,提升整體工作效率。

未來IT會完全配合物流業發展,物流公司為左提高競爭力會促進數碼化,佢哋十分需要data science 嘅人才協助佢哋,而原有嘅科技物流公司都會繼續拓展 data science,展望日後物流業會需要好多 data scientist。

喺數據爆炸嘅時代,好好運用 data 先係發展趨勢。透過了解唔同公司嘅發展,我哋可以從中得知,未來幾年會有更多 A.I. 技術引進唔同行業,亦都係一啲傳統公司轉型嘅方向。但究竟應該點先可以入行? 邊間公司入面又會有最多 Junior 嘅職位提供呢? 想知道就要繼續留意我哋 Venturenix LAB Facebook 專頁喇!

睇完後,係咪對 Data Science 又多一份了解呢? 如果你仲想發掘多啲關於 Data Science 行業嘅資訊,可以參加以下嘅 Data Science (Python) 試讀班。